განსაკუთრებული მადლობა გულშემატკივარს

საქართველოს ნაკრები ევროპის ჩემპიონატზეა! ფინალის შემდეგ, ისტორიულ გამარჯვებაზე გიორგი მამარდაშვილმა ისაუბრა.

“ბეტისთან და რეალ მადრიდთან თერთმეტმეტრიანების სერიაში დავმარცხდი. ამ თამაშების მერე ვამბობდი, რომ ეს აღარ განმეორდებოდა და ასეც მოხდა. ძალიან დიდი მადლობა მინდა გადავუხადო გულშემატკივრებს, რადგან არამარტო დღეს, არამედ მთელი ეს პერიოდია, გვერდში გვიდგანან. მათი დიდი დამსახურებაა, რომ დღეს აქ ვართ და მინდოდა, რომ ეს ხალხი გაგვეხარებინა. ისინი იმსახურებენ ამას. რაც შეეხება უშუალოდ მეტოქის კაპიტანს, მას  ოთხი პენალტი ჰქონდა დარტყმული ზუსტად მაგ კუთხეში, როცა თავის გუნდს ძალიან სჭირდებოდა, ასე რომ, მივხვდი, სადაც დაარტყამდა”